KALIBO, Aklan—Ginakalipay it Federation of Kalibo Tricycle Operators and Drivers Association Inc. ukon FOKTODAI ro mas ginpahaba nga oras it pagbiyahe it mga pampublikong transporasyon kasunod it pagpanaba it quarantine classification it probinsya it Aklan sa General Community Quarantine (GCQ) umpisa makaron nga adlaw.
Suno kay FOKTODAI Presient Johnny Damian nga mas mataw-an it tyansa nga kumita ro mga driver makaron nga ginpaeawig pa ro andang operasyon umpisa alas-5:00 it agahon hasta alas-8:00 it gabi-i.
Nakabaehag ro bag-ong sueondanan sa ginpagguwa nga Executive Order ni Aklan Governor Florencio Miraflores kun siin ginpasugtan man nga magbukas ro mga establisyemento komersyal umpisa alas-6:00 it agahon hasta alas-7:00 it gabi-i.
Raya hay para taw-an it kahigayunan ro ibang mga pumueoyo nga nagapamakae pagkatapos it andang trabaho.
Samtang, owa man ginpaeampas ni Damian ro mga ngabiyahe it colorum nga tricycle sa banwa it Kalibo.
Suno kana, nagadugang pa raya sa kompetisyon kamana man nga mabudlay tapnaon.
