KALIBO, Aklan—Nagapabilin nga sangkiri ro mga pasahero sa Kalibo International Airport maskin nga ginhaeugaan eon ro quarantine classification sa probinsiya it Aklan.
Suno kay Engr Eusebio Monserate Jr., Manager it Civil Aviation Authority of the Philippines ukon CAAP-Aklan nga naga-average eamang it 50 nga pasahero ro sakay it sangka eroplano nga nagatugpa sa paeuparan.
Apang balik eon sa normal ro biyahe it mga eroplano nga may sambilog ukon daywa nga flight kada adlaw.
Gindugang pa ni Engr. Monserate nga kat ginbutang sa MECQ ro aklan hay eubus pa gid nga nagnaba ro average nga numero it mga flights ag pasahero.
Aamtang, owa man sigon it ginbag-o sa mga requirements sa mga naga-uli nga aklanon partikular ro negatibong RT-PCR test, 72 oras antes ro anang pagbiyahe, QR code ag S-pass.
Kaabuan sigon sa mga naga-uli hay ro local travelers, returning Aklanons ag authorized persons outside of residence ukon APORs.
