KALIBO, Aklan—Naglunsar it programa para sa mga hog raisers ro Department of Agriculture (DA).
Tuyo kara nga mabuligan ro mga mabuligan ro mga naga-alaga it baboy nga makaangkon it re-population, rehabilitation ag recovery bangud sa epekto it African Swine Fever ukon ASF.
Suno kay Engr. Remelyn Ricoter, Regional Director it DA-VI nga ro Agri-negosyo hay ginahaead it ahensya pinaagi sa Agricultural Credit Policy Council (ACPC).
Nag-alokar sigon ro DA it kapin sa P300 million nga pautang para sa backyard ag semi-commercial raisers nga una sa “green zones” ukon mga lugar nga owa eon it ASF.
Partikular eon kara ro mga lugar sa MIMAROPA Region, Western Visayas, Central Visayas ag Zamboanga Peninsula.
Ro pondo sigon hay ginpaagi sa mga accredited nga kooperatiba.
Agud nga maka-avail it loan pwede sigon nga magparehistro sa mga natungdan nga kooperatiba nga ginakaeakipan it Lezo Multi-Purpose Cooperative, Integrated Barangays of Numancia (IBON) Multi-Purpose Cooperative, New Washington, Libacao ag Madalag Development Cooperative ukon mag-online register sa www.acpc.gov.ph.
Kumpiyansa ro ahensya nga mabahoe ro maibulig kara para sa uman nga pagbuhi it hog industry sa nasyon.
