KALIBO, Aklan—Ro Leukemia hay cancer sa dugo kung sa siin nagabag-o ro selula ukon cells it eawas ag nasasapawan it white blood cells ro numero it mga red blood cells.
Suno kay Dr. Theira Domalaon, sangka Internest-Hermatologist nga apaketado man kara ro utok sa toe-an ukon bone marrow.
Ginakabig man rayang top 5 sa mga makamaeatay nga klase it cancer sa pungsod Pilipinas.
Maabo man kara ro owa it may ginapakita nga sintomas bangud ro cancer hay kilaea bilang “silent killer”.
Ro leukemia man hay puweding mabo-oe pamaagi sa pagpanigarilyo, pagka-expose it eawas sa radiation ag chemotherapy ukon ro pagka-expose sa kemikal nga benzene.
Samtang, agud nga makalikaw sa nasambitan nga sakit, ugalion nga magkaon it tino-ea ag prutas.
Likawan ro pagpanigarilyo, likawan ro masayadong pagpatamok ag maging aktibo, mag-practice it safe sex, ag regular nga magpatan-aw sa doktor.
