KALIBO, Aklan—Opisyal eon nga magapungko hin-aga nga adlaw it Lunes si Senior Inspector Arden Bedoña bilang bag-ong Municipal Fire Marshal it Bureau of Fire Protection (BFP)-Kalibo.
Pagabayluhan ni Bedoña si Fire Senior Inspector Joseph Cadag matapos raya nga ihalin sa regional office.
Ginpromisa man kara nga anang pagapadayunon ro mga naumpisahan it mga previous Fire Marshal kamana man nga pagataw-an it igtueopangod ro kamaeayran it BFP personnel.
Plano man sigon nana nga maging visible ro emergency medical services it taeatapan eabi pa ag naging lead agency eon ro BFP sa pagresponde sa pandemya.
Ro 28-anyos nga bag-ong Kalibo Fire Marshall hay tubong Guimaras ag graduate it Philippine National Police Academy (PNPA) Class of 2016.
Si Bedoña hay unang na-assign sa National Head Quarters sa sueod it an-om nga buean ag matapos kara hay ginsaylo imaw sa Western Visayas partikular sa Janiuay Fire Station sa probinsya it Iloilo kung siin nagserbi imaw idto sa sueod it sang dag-on.
Matapos kara hay na-assign man imaw sa Santa Barbara, Iloilo ag sa Regional Office.
Dag-on 2019 kat ma-deploy imaw sa Cadiz City sa sueod it haeos sang dag-on.
Antes ginbutang sa Kalibo hay naging Fire Marshal anay imaw it Passi City, Iloilo.
Si Bedoña hay bag-o eamang nagtapos sa mandatory schooling it fire officer advance course ko buean it Agosto.
