KALIBO, Aklan—Nagabueuligan ro Traffic Transport Management Division ukon TTMD it LGU-Kalibo ag traffic section it Kalibo Municipal Police Station agud nga madakpan ro tanan nga mga naga-eabag sa batas trapiko.
Raya hay kasunod sa resolution nga gindihon ni Ex-officio member ag Pook Punong barangay Ronald Marte nga ginapatutukan ro mga masako nga karsadahon partikular sa kanto it Roxas Avenue ag Mabini St., kanto it Osmenia Avenue kamana man sa Jaime Cardinal Sin ag Mabini St. kanto it D. Maagma street.
Suno kay Vivian Briones, head it TTMD-kalibo nga nag-deploy eon sanda it dugang nga mga miyembro it Kalibo Auxilliary Police sa nasambit nga mga karsadahon.
Mag-eowas kara, nagpadaea sanda it sueat sa Department of Public Works and Highways ukon DPWH para sa repainting it mga street markings.
Kaeabanan sigon nga gina-eabag nga traffic rules eabi eon it mga tricycle driver hay ro swerving agud nga makalikaw sa traffic light.
Apela man kara sa mga motorista nga hugut nga magsunod sa traffic rules and regulations agud nga malikawan ro multa.
Nagapanguna sigon nanda nga problema ro kakueangan it manpower.
Samtang,gindugang pa ni Briones nga nagahueat eon lang sanda it imbitasyon it sangguniang bayan agud nga magpaathag.
