KALIBO, Aklan—Ginaselebrar makarun nga buean it Setyembre ro World Teacher’s Day.
Suno kay Arch. Mar Bien Gregory Parel, Focal Person it Teacher’s Month Celebration it department of education ukon DepEd Aklan nga umpisa Setyembre 5 hasta Oktobre 5 hay ginaselebrar sa bilog nga kalibutan ro adlaw it mga manugturo.
Makarun nga dag-on hay may una rayang tema nga “Gurong Filipino katuwang sa haom, kasama sa pagbangon”.
Kasunod kara, may pagahiwaton man nga nagkaeain eain nga paindis-indis ro DepEd-Aklan.
Apang bangud sa COVID-19 pandemic hay pagahiwaton eun lang rayang virtual ukon pamaagi eamang sa online.
Puwedi man sigon nga bisitahon ro andang facebook page nga DepEd Tayo Aklan para sa iba pang dugang nga detalye ag update sa andang mga aktibidadis.
