-- ADVERTISEMENT --
KALIBO, Aklan–Sambilog man sa mga nagapamaeabag sa pagpatindog it crematorium facility sa Barangay Badio, Numancia ro grupo nga Bagong Alyansang Makabayan ukon Bayan-Aklan.
Suno kay Kim Sin Tugna, OIC provincial coordinator it Bayan-Aklan nga nagakinahangean eamang nga ma-review it lokal nga gobyerno ro lugar nga pagapatindugan it crematorium facility agud masiguro nga indi raya makaapekto sa mga pomeoyong maeapit sa lugar kamana man sa iba pang mga kaiping nga barangay.
Dapat man sigon nga maeksplekar it maayos sa publik ro manami ag maeain nga epekto kara kanda.
Gin-insister pa kara nga mabahoe man ro posibilidad nga mabutang sa aeang-aeang ro ikaayong eawas it mga residente bangud sa ginabuga karang asu.
