KALIBO, Aklan—Maskin nga maabu ro naga-agto sa opisina it Commission on Elections ukon Comelec-Kalibo agud nga mag-inquire sa pagdihon it Certificate of Candidacy ukon COC, apang matsa gin-eangaw ro unang adlaw it filing kara.
Raya ro ginpahayag ni Acting election Officer Claudine Joyce Ballesteros.
Suno kana nga hasta ala-1:00 ro pang-orason kaina hay owa it maskin sambilog nga magakandidato ro nagsumite it COC sa andang taeatapan.
Samtang, ginlaygayan kara ro mga magasumite it COC nga i-check it mayad ro andang gin-sueatan nga form antes nga isumite agud nga indi eon mag-uman-uman pa.
Kon ro sangka kandidato suno kana hay may partido importante nga magdaea raya it certificate of nominations and acceptance ukon CONA nga iga-attach sa COC.
Ginhinyu man kara nga hugut nga sundon ro health and safety protocol partikular ro physical distancing kamana man nga daywang kaibahan eamang ro ginapasugtan nga bitbiton it sangka kandidato sa sueod it andang opisina.
Nag apela man imaw sa mga kandidato nga temprano nga mag file it COC agud nga engkaso nga may mga corrections hay may bastante pang oras agud nga maayos.
Nasayuran nga kaibahan sa magapadaeagan sa pagka-alkalde it Kalibo si incumbent mayor Emerson Lachica ag ro presenteng Sangguniang Panlalawigan member Juris Sucro.
