KALIBO, Aklan—Kapin eun sa 80 porsiyento it mga pomoeuyo sa New South Wales sa Australia ro nakabatun it bakuna kontra sa coronavirus disease ukon COVID-19.
Sa pihak kara, ginpahayag ni Bombo International Correspondent Denmark Suede it Australia nga ro target it andang gobyerno hay 90 porsiyento it mga pomoeuyo hay mabakunahan matapos nga mag-eapta ro delta variant it COVID-19.
Samtang sa pihak nga parte, ginpahayag man si Suede nga umpisa hin-aga nga adlaw hay bukon eun it obligado ro mga pomoeuyo sa New South Wales nga magsuksok it face mask kung nagasueod sa mga opisina ukon magguwa it andang panimaeay.
Nagabatun eun man sanda it mga international flights apang dapat ro mga turista eamang nga makasueod hay ro mga australian citizen ukon returning residents.
Owa eun man nagakinahangean pa nga mag-quarantine ro mga bakunado nga indibidwal.
Samtang hugot man nga ginabawaean nga makasueod sa mga malls ag iba pang establisiyemento ro mga residente nga owa pa nakabatun it bakuna kontra covid-19.
