KALIBO, Aklan—Gintaw-an it punto it sangka eksperto nga importante ro pag-angkon it manami nga personalidad.
Raya sigon hay makabulig para mapaumwad ro atun nga kaugalingon ag maging mayad nga ehemplo sa iba.
Suno kay Dr. Romeo Lorenzo, sangka mental health professional nga ro personalidad hay nagatumod sa ugali ag katangian nga gina-angkon it sangka indibidwal.
Raya sigon ro kabilugan it sangka tawo kamana man nga raya ro nagaserbing identity it kada isaea bangud nga owa it tawo nga pareho ro personalidad.
Dugang pa ni Dr. Lorenzo nga ro kada tawo hay may gina-angkon nga kaisipan, pamatasan ag abilidad.
Dapat sigon nga maging responsable ro kada isaea sa pagpakita it andang personalidad bangud nakakaapekto raya sa iba ukon sa komunidad.
Pinaagi sigon sa kung paano kita maghueag, maghambae, mag-istorya ukon mag-react sa sitwasyon hay masayuran kung alin ro atun nga personalidad.
Masami man sigon nga nakakaapekto ro magkaibang personalidad sa relasyon it mag-asawa, couple, magpamilya, magka-trabaho ag iba pa.
Ginklaro man ni Dr. Lorenzo nga magkaiba ro personality sa ginatawag nga attitude.
Ro attitude sigon hay nagatumod sa reaksyon ukon ginapakita it sangka tawo depende sa sitwasyon.
Samtang, posible sigon nga makaapekto ro stress sa personalidad it sangka tawo.
Dugang pa kara nga mas mabudlay i-develop ro peronalidad kaysa sa abilidad.
