KALIBO, Aklan—Bukon pa it kinahangean nga ipaidaeum sa state of calamity ro banwa it Makato.
Raya ro pagklaro ni Mayor Atty. Abencio Torres it banwang Makato kasunod it panawagan it Sangguniang Bayan bangud sa grabe sigon nga epekto it natabong pagbaha ko adlaw it sabado tuga it naeksperyensiyahan nga low pressure area ukon LPA.
Suno kay Atty. Torres nagapadayun pa sa makarun ro andang assesment sa naging kahalitan it nasambitan nga pagbaha.
Dugang pa kara nga owa it koordinasyon ro SB sa anang opisina ag mingko ginapangunahan pa imaw sa anang pagahimuon nga desisyon.
Gin-insister man kara nga sa katung-anan it pagbaha hay una imaw nagtinir sa opisina it Municipal Disaster risk reduction and mangement council ukon MDRRMC agud nga magmando angot sa mga tikang nga pagahimuon para mairescue ro mga apektadong pomoeuyo.
Nagpanindugan man raya nga owa it grabe nga kahalitan sa mga fish pond sa andang lugar bangud maskin imaw nga fish pond owner hay owa man naapektuhan.
Naglibot man sigon imaw pagka-agahon matapos nga maghupas ro baha ag anang nakit-an nga kontrolada man ro sitwasyon.
