KALIBO, Aklan—Naging maayos ro ginpatigayon nga 2021 United Nations Climate Change Conference ukon COP26 kun sa siin ro United Kingdom ro naging host country.
Suno kay Bombo International Correspondent Jherez Mationg, tumandok it banwa it Numancia apang presenteng nagatrabaho sa United Kingdom nga maidid ro ginapatuman nga seguridad it mga otoridad sa nasyon para sa kaeuwasan it mga wolrd liders nga nagtambong sa nasambit nga pagpueong.
Ginkasugtanan man sigon it kapin sa 100 world leaders nga tapuson eon ro deforestation pag-abot it 2030.
Nagpanguna ro Brazil nga nagpirma sa kasugtanan bangud sa haeos maabong mga punong kahoy sa Amazon rainforest ro nautod eon.
Umabot man sa $19.2 bilyon ro andang promisa para sa public ag private funds.
Gindayaw man it mga environmental experts ro tikang apang ginakabaeak-an nanda nga mauman ro promisa nanda ko 2014 nga andang pagapapunduhon ro deforestation.
Samtang ginpahayag man ni United Kingdom Prime Minister Boris Johnson nga mas maabong nasyon makaron ro nagpromisang igapatuman ro deforestation.
Sa pihak nga parte, ginpahayag man ni Mationg nga sa makarun hay balik eun sa normal ro andang pagpangabuhi.
Owa eun man sigon sanda nagasuksok it facemask mag-euwas eamang kung una sa sueod it andang trabaho.
Samtang, owa man ginapasugtan nga makapagtrabaho ro mga pomoeuyong owa pa nakabunahan kontra covid-19.
