KALIBO, Aklan—Kapin sa waeo ro nailistang namatay samtang ninahan ro 300 nga iba pa sa ginpatigayon nga Astroworld Festival ni Travis Scott sa Houston, Texas.
Suno kay Bombo International Correspondent Pinoy Gonzales sa Houston, Texas nga maabo ro nakipagdoeotdotan nga mga tawo paadto sa prenti it stage kat nag-preform eun ro rapper nga si Scoot rason agud nga makaangkon it pilang ka mga lastro sa andang kaeawasan.
Ginabana-bana man nga naga-abot sa 50,000 katawo ro una sa venue kat matabo ro stampede.
Base pa sa report kapin sa 23 katawo ro gindaea sa hospital kung siin 17 sa mga raya hay nakaangkon it cardiac arrest.
Nag-abot man sa 367 police officers ag 241 security officers ro gindeploy sa nasambitang lugar para sa nasambitang music festival.
Samtang ginkumpirma man it mga pulis sa Houston nga sangka security guard ag posibleng iba pa ro ginturukan it herengilya nga may sueod nga iligal nga droga sa katung-anan it Astroworld Festival.
Sa makarun hay may ginapatigayon eun nga criminal investigation ro mga otoridad sa insidente.
