SP Sucgang, uman nga ginklaro nga magapadayun ro anang kandidatura sa pagka-kongresista

KALIBO, Aklan—Uman nga ginklaro ni  Aklan 1st District Sangguniang Panlalawigan Member Atty. Harry Sucgang nga magapadayun imaw sa anang kandidatura sa pagka-kongresista it 1^st District it probinsya.

Suno kay  Sucgang nga imaw hay magapailihir sa idaeum it partidong Aksiyon Demokratiko ni Manila Mayor ag presidential aspirant Isko Moreno.

Samtang ginpahayag man kara nga owa imaw it kwarta ukon sobra nga maipanudpod sa nagahieapit nga eleksiyon apang ro anang hantop sa tagipusuon nga pagpanerbisyo ro anang magiging alas para sa ginahandom nga kadaeag-an.