KALIBO, Aklan—Patay ag wakwak ro leog ag eawas kat makit-an it sangka residente ro andang mga alagang pabo ag baboy sa Brgy. Ibao, Lezo.
Ginpahayag ni Punong barangay Renato De Guzman it nasambit nga lugar nga eubus ro pagkanugon it nagapanag-iya it nasambit nga mga kasapatan sa natabu sa anang limang alagang pabo nga wakwak ro leog ag eawas samtang ro anang urok nga bisaya hay puro inangkitan.
Ginapatihan nga Huwebes it gabi-i natabu ro pag-atake bangud nga Biyernes it agahon nanda napan-uhan ro pagkamatay it mga alagang sapat.
Ginasugid nga tatlong mabahoe nga ayam sigon ro andang napan-uhan nga nagbalik sa andang lugar ko agahon it Biyernes.
Sa makaron hay nagapabilin nga paealigban sa residente kon sin-o ro nag-atake sa anang mga kasapatan.
