-- ADVERTISEMENT --
KALIBO, Aklan—Nag-umpisa eun man sa pagguwa sa andang lungga sa kagueangan ro milyon-milyong mga red crabs sa karsada it Christmas Island, Australia.
Suno kay Bombo International Correspondent Denmark Sudeu, ginahimo sigon it mga red crabs ro dag-unan nga migration paadto sa baybay agud nga magpaabo pa it andang lahi.
Masami raya nga nagakatabo sa unang pagbuhos it uean sa Australia sa buean it Nobyembre ukon Disyembre.
Ro nasambitan nga migration it mga red crabs hay nagiging tourist attraction eun man sa Christmas Island.
