KALIBO, Aklan—Iga-sekreto sa publiko ro petsa it dag-unan nga pagpaiwag ukon Christmas lighting ceremony sa Kalibo Pastrana Park sa buean it Disyembre nga mas kilaea sa tawag nga “iwag it kalibonhon”.
Suno kay Kalibo Mayor Emerson Lachica nga pagahimuon raya nga virtual agud nga malikawan ro pagbuhos it mga tawo bangud sa COVID-19 pandemic.
Ro event partikular ro pag-switch on it higanteng Christmas tree hay iga-streamed live sa Facebook page it LGU-Kalibo ag owa eon it anuman nga programa.
Kaeabanan suno kana nga ginapatigayon raya kada Disyembre 1 apang makaron hay indi nanda igapahayag ro ensaktong petsa bangud sa mga limitasyon nga tuga it pandemya.
Ginpasiguro man ni Mayor Lachica nga mas bongga ro mga iwag makaron kumpara ko nagtaliwan nga dag-on nga magasimbolo it pag umpisa it masadya nga holiday tradition sa Kalibo.
Haum eon man suno kana ro mga multi-colored lights sa mga puno it kahoy nga nakapalibot sa plaza ag nakataeana pa nga magabutang it iba pang mga dekorasyon.
