KALIBO, Aklan—Magapatigayon it Simbang Gabi ro St. Joseph Parish Church sa mga kabarangayan sa banwa it Banga.
Suno kay Fr. Jude Rebaldo it St. Joseph Parish Church sa banwa it Banga sa petsa 15 it Disyembre hay maga-umpisa eun ro andang pagpatigayon it Simbang Gabi.
Nasayuran nga may misa sandang pagahiwaton kada 5:30 hasta 6:30 sa agahon sa sangka barrio ag 6:30 hasta 7:30 man sa agahon sa pangaywang barrio nga andang paga-adtunan.
Samtang sa simbahan man it banwa hay may misa nga pagahiwaton bandang 4:00 hasta 5:00 sa hapon.
Samtang alas 5:00 hasta 6:00 man hay sa Divine Mercy Chapel sa Barangay Jumarap, Banga.
Samtang gintaw-an man it punto ni Fr. Rebaldo ro importansiya it Simbang Gabi ukon Misa-de-galyo kun sa siin ro misa hay ginapatigayon sa sueod it 9 nga adlaw antes ro adlaw it Paskwa.
Kasunod kara hay anang gina-engganyo ro publiko nga magsimba ag adlaw-adlaw nga magpangamuyo.
