KALIBO, Aklan—Mabatyagan eon ro espiritu it Paskwa sa bahin it The Hague, Netherlands.
Suno kay Bombo International Correspondent Sherlyn Redecio Spans nga amat-amat eon nga nagasab-it it dekorasyon ro ibang pumueoyo sa andang baeay para pahauman ro nagahilapit nga selebrasyon it Kapaskwahan.
Kapareho iya sa Pilipinas, ginakabig man nga holiday ro Disyembre 25 para taw-an it daean ro selebrasyon it pagkatawo ni Hesus.
Raya sigon ro adlaw kung siin magkaibahan ro bilog nga pamilya samtang ro Disyembre 26 hay ro pagbisita man ibang baeay ukon pamilya.
Masami sigon nga gina-ubra it mga tawo kada tyempo it paskwa ro pagsaeo-saeo it mga pagkaon nga ginaprepara it kada pamilya.
Apang, bukon sigon it uso idto ro pagtao it aginaldo partikular ro kwarta kun Paskwa.
