KALIBO, Aklan—Nagapabilin ro espiritu it paskwa sa caribean country nga St. Maarten sa pihak it naeksperyensyahan nga pandemya.
Suno kay Bombo International Correspondent Chelly Sally Chino it St. Maarteen, sa pihak nga uwa eon it pagtililipon kaparehas ko una hay sigidas gihapon ro andang selebrasyon it paskwa.
Ro simbahang katolika sa nasambit nga caribean country hay magapatigayon gihapon it simbang gabi ukon misa de gallo para kanda nga mga Pinoy nga maeayo sa andang pamilya.
Ro kinaeain eang sa Pilipinas hay uwa nagapamaskwa ro mga onga ag ro magpamilya hay sa guwa nagakaon partikular sa mga restaurant ukon cuisine.
Ro St. Maarten hay ginakabig nga pugad it international people kon sa siin may kanya-kanyang relihiyon ag tradition nga ginasunod.
Apang sa christian people hay ginasigurado it mga raya nga magapabilin ro tradisyon ag kultura it mga pinoy pag-abot sa selebrasyon it paskwa ag bag-ong dag-on.
