KALIBO, Aklan–Ginpangunahan it Municipal Engineering Office sa banwa it Banga ro pagpatigayun it repair sa nagakatiphag nga eugta sa Aklan river nga sakop it Barangay Jumarap.
Suno kay Engr. Hermie Seraspi it Municipal Engineer Office, temporaryong remedyo eamang ro andang ginahimo para maproteksyonan ro andang river bank.
Nagdeploy sigon imaw it mga tawuhan sa lugar para magbutang it sand bagging ag botong.
Aminado si Engr. Seraspi nga posibleng magresulta sa pagkarumpag it mga panimaeay nga maeapit sa suba ro padayun nga pagkatimpa it eugta.
Agud nga malikawan ro grabeng epekto, dapat sigon nga mabutangan eon raya it revetment wall kung siin nagakinahang-ean raya it mabahoe nga pondo maghalin sa opisina it Department of Public Works and Highways (DPWH).
