KALIBO, Aklan—Kapareho sa iba pang Muslim country, owa man nagaselebrar it Paskwa ro mga Kuwaiti.
Raya hay bangud mayorya sa mga tawo idto hay Muslim rason nga owa sanda ngapati kay Hesukristo.
Suno kay Bombo International Correspondent Jonalyn Padasas, tumandok it Brgy. Dalipdip, Altavas apang presenteng nagatrabaho sa Kuwait nga natyempo ro adlaw it Paskwa idtu sa winter season.
Apisar nga owa nagaselebrar it Paskwa ro kaabuan sa mga tawo sa Kuwait, gina-respito man sigon ro pagpati it ibang relihiyon kapareho it mga Kristiyano rason nga hilway sandang makapatigayun it Christmas party.
Kaeabanan sigon sa mga Filipino community hay naga-organisa it Christmas party agud nga maskin paalin hay mabawasan ro kahidlaw sa andang mga mahae sa kabuhi iya sa Pilipinas sa tyempo it Kapaskwahan.
Samtang, may iba man nga naga-atender it misa bangud may simbahan man para sa mga Kristiyano idto sa siyudad.
