Pilang ka mga kabanwahanan sa Aklan naka-eksperyensya it pagbaha bangud sa pagbubu it mabaskog nga uean

KALIBO, Aklan—Bangud sa mabaskog nga pagbubu it uean kabi-i, naka-eksperyensya makaron it madaeom nga pagbaha ro pilang residente sa banwa it Nabas.

Sambilog sa apektado kara hay ro Gibon Elementary School sa nasambit nga banwa.

Makit-an sa mga ginpakigbahin nga litrato sa social media ro grabe nga pagbaha.

Mag-eowas kara, umapaw man ro tubi-baha sa karsada sa bahin it Cubay Norte, Malay bangud sa mabaskog nga uean.

Nasayuran masami eon nga nakaka-eksperyensya it pagbaha ro pilang kabanwahanan sa probinsya it Aklan kada maueanon ro panyempo.

Kung siin, sambilog raya sa ginatutukan makaron it tagsa ka mga lokal nga gobyerno partikular eon ro maayos nga daeagan it drainage system.