KALIBO, Aklan—Nag-abot eon sa masobra sa 23.5 milyon pesos ro initial damage assessment nga nailista sa bilog nga probinsiya it Aklan tuga it bagyong Odette.
Raya hay base sa listahan nga ginsumite it nagkaeain-eain nga Municipal Disaster Risk Reduction and Management Offices sa taeatapan it PDRRMC.
Masobra sa 6.9 milyon pesos ro danyos sa agrikulra kun sa siin sa banwa it Lezo, nag abot sa masobra sa 2.4 milyon pesos ro kahalitan samtang sa Batan, nag abot sa masobra sa 1.7 milyon pesos.
Ro banwa it New Washington ro nakalista it may pinakamataas nga damage sa imprastraktura nga may 16.3 milyon pesos kasunod it pagkasamad it pilang parte it andang seawall samtang sa Buruanga hay may 250,000 pesos.
Sa pihak nga parte, nadugangan man ro numero it mga nasamad nga baeay nga nakalista it 244 nga partially damaged ag 8 ro eubusan nga nasamad.
Haeos tanan man nga banwa sa aklan hay nakaangkon it evacuees nga naga abot sa 15,049 nga pamilya ukon katumbas it 55,437 nga katawo.
Nakalista man it daywang naninahan sa pagpanaeasa it bagyong Odette partikular sa banwa it New Washington ag Numancia.
