-- ADVERTISEMENT --
KALIBO, Aklan—Ro selebrasyon it Paskwa sa nasyon it Bermuda hay makabig nga simple eamang.
Raya hay bangud limitado eamang sa pamilya ro pagtililipon.
Suno kay Bombo International Correspondent Engr. Jonar Tambo-ong it Bermuda, owa it masyadong preparasyon ro mga pumueoyo kun Paskwa.
Masami nga ro mga magpamilya hay nagatinir eamang sa baeay kun Christmas Eve samtang ro iba hay nagatan-aw it Christmas parade sa siyudad.
Maskin ro mga daeanon ag parke hay owa man it maabo nga dekorasyon.
-- ADVERTISEMENT --
Ro mga Filipino community sa Bermuda hay nakataeana nga mag-organisa it Christmas party sa Disyembre 27 apang limitado eamang sa 50 katawo.
