KALIBO, Aklan–Owa pa it anuman nga pagtaas sa presyo it mga bilog nga prutas sa mga baealigyaan partikular sa kahabaon it Roxas Avenue, Kalibo.
Suno kay Rosebelle Moradillo, tag-ana it sangka fruit stand nga nagapabilin sa dati ro presyo it mga gibakunsiderang pampaswerte nga prutas.
Ro nagadaeagan sigon nga presyo makaron it pilang prutas hay ro kiat-kiat nga tig-P100 pesos; peras nga may 3 for 100 ag may una man nga 3 for 50 pesos; lemon P20; mansanas may tig 10 pesos ag 3 for 100; ponkan P10 kada sambilog ag may 3 for 50 ; orange 25 pesos; persimon 45 pesos; ag grapes nga 150 pesos kada kilo.
Samtang ro seedless nga grapes hay nagabalor it 240 pesos kada kilo.
Sa makaron hay puro imported pa sigon nga prutas ro andang ginabaligya.
Bangud nga nagpataas eon it presyo ro andang supplier, ginaeauman nga magapataas man sanda it presyo kara sa masunod nga mga inadlaw samtang nagahilapit ro selebrasyon it bag-ong dag-on.
Ginlaygay man it nasambit nga negosyante nga kanya-kanyang diskarte eon lang ro obrahon it mga bumaeakae agud nga makatipid.
Magatau man sigon sanda it paaman sa mga nagapangayo.
Nagapati man imaw nga mas nga swertehon ro sangka indibidwal kon nagahugod ag indi eamang isalig ro pagpangabuhi sa swerte.
