KALIBO, Aklan—Makabig nga madinaeag-on ro naging kampanya it gobyerno angot sa pagbawae sa paggamit it pilang ka mga paeupok sa pagsug-aeaw it bag-ong dag-on.
Raya hay matapos nga makalista it mas manaba nga firecracker-related injuries ro Department of Health Center for Health Development (DOH-CHD) sa bilog nga Western Visayas.
Base sa datus it taeatapan, nakaangkon it pagnaba sa kaso it fireworks-injuries sa nagtaliwan nga tatlong dag-on kung siin ro rehiyon hay una sa gihapon sa striktong quarantine classification tuga it pandemya.
Ro bilog nga rehiyon hay nakalista it 21 porsiyento nga pagnaba sa kaso it firecracker-related injuries base sa DOH surveillance halin Disyembre 21, 2021 hasta Enero 1, 2022.
Matueopangdan nga nakalista it ap-at ka mga indibidwal nga biktima it paeupok sa Aklan sa kasagsagan it pagsug-aeaw sa bag-ong dag-on kamana man nga may sangka insidente it nagtaeang nga bala sa bahin it Brgy. Laguinbanua East, Numancia.
Sa mayad nga swerte hay owa it may tinamaan kara.
