KALIBO, Aklan—Uman nga nakalista it kaso it coronavirus disease ukon covd-19 ro bilog nga probinsya it Aklan.
Raya hay matapos nga nagpositibo sa deadly virus ro ap-at ka mga indibidwal nga ginakaeakipan it sambilog maghalin sa banwa it Kalibo ag tatlo maghalin sa munisipalidad it Batan.
Sa kabilugan, may 12 pang aktibong it covid-19 sa probinsya halin sa 12,674 total cases kon siin 97 porsyento eon man kara ro nakarekober matapos nga nagpaidaeom sa pagbueong ag quarantine procedure.
Ro banwa it Kalibo ag Batan eon ro nagapabilin nga munisipalidad sa Aklan nga may ginamonitor nga mga indibidwal nga presenteng naka-quarantine sa gintaeana nanda nga pasilidad.
Nasayruran nga haeos pilang dominggo eon nga uwa it nailista nga kaso it covid-19 sa probinsya sandig man sa daily monitoring data nga ginapaguwa it Aklan Provincial Epidemiology Surveillance Unit it Aklan Provincial Health Office ukon PHO.
