KALIBO, Aklan—Nag-abot eamang sa less than 1 percent ro nailistang daily attack rate sa probinsya it Aklan pag-abot sa mga nailistang kaso it coronavirus disease ukon covid-19.
Raya ro ginpahayag ni Provincial health officer Dr. Cornelio ‘Bong’ Cuatchon Jr. it Provincial Health Office ukon PHO-Aklan nga apisar nga nakaangkon it pagtaas it kaso it covid-19 sa probinsya.
Kung pagapatpaton ro mga kaso nga nailista sa probinsya umpisa ko Nobyembre 19 hasta diyembre 2, 2021 hay may una eamang nga nairecord nga daywang ka mga kaso it covid-19.
Samtang ko Disyembre 3 hasta 15 hay may an-om ag ko disyembre 17 hasta 30 hay may una nga 13.
Sa pihak nga parte, ginpahayag dugang ni Dr. Cuatchon nga nag-abot eun sa 82.48 percent ukon katumbas it 352, 726 ka mga indibidwal ro nabakunahan it first dose sa bilog nga probinsya it Aklan.
Samtang kapin man sa 68.56 percent ro fully vaccinated ukon katumbas it 293,532 ka mga indibidwal.
Nasayuran nga base sa datos it regional vaccination center it department of health ro target nga mabakunahan sa probinsya hay kapin sa 427, 654.
Ginapahayag it PHO-Aklan nga hasta makarun nga buean it Enero hay magapadayun ro ginahimo nga pagpabakuna hasta nga maabot ro 70 percent nga target kamana man ro pag-umpisa it pagturok it booster shots.
Boses ni Dr. Cornelio Cuatchon Jr.
