KALIBO, Aklan–Owa it anuman nga nailistang sunog nga tuga it paeupok sa pagsug-aeaw it bag-ong dag-on sa bilog nga probinsiya it Aklan.
Raya hay base sa naging monitoring it Bureau of Fire Protection (BFP)-Aklan.
Suno kay FO3 Alvin Patricio, tagapaghambae it BFP-Aklan nga owa it nailistang nadakpan nga nagabaligya it illegal nga paeupok umpisa ko adlaw it kapaskwahan hasta sa pag-abot it bag-ong dag-on.
Raya hay bangud sa hugut nga padumdum it mga bumbero ag kapulisan sa mga pumueuyu.
Nagpasamaeamat man ro BFP sa ginpakita nga suporta ag pagbuylog it mga pumueuyu agud nga maangkon ro ginahandum nga owa it mabiktima it paeupok sa pagsug-aeaw sa bag-ong dag-on.
Madumduman nga antes ro selebrasyon it paskwa ag bag-ong dag-on hay nagpatigayon eon ro kada estasyon it BFP sa Aklan it hugut nga padumdum sa mga residente angot sa mga ginabawae nga paeupok, gina inspection ro mga ginabaligya nga pailaw ag firecrackers sa mga designated areas bilang kaparte man it andang kampanya.
Sa pihak nga parte, sa bilog nga buean it disyembre hay nakalista eamamg sanda it limang insidente it sunog mas manaba kumpara ko nagtaliwan nga dag-on.
Nasayuran nga base sa datos it Provincial Health Office, naga abot sa 15 ro kaso it firecraker related injuries ro andang nailista umpisa alas-6 it agahon it disyembre 21 hasta kahapon.
