KALIBO, Aklan—Sa pihak it padayun nga paglobo it kaso it COVID-19 tuga it Omicron variant sa Estados Unidos, apang ro mayad nga balita hay nagnaba ro death rate ukon numero it mga namatay.
Raya ro ginpahayag ni Bombo International Correspondent Greg Aguilar.
Suno kana nga nagtaas it haeos 704,000 ro bag-ong kaso it covid sa sueod it sang adlaw kahapon, apang puro mild cases ag kaeabanan nga owa it sintomas eabi eon sa mga fully vaccinated.
Bangud kara, ro ginabantayan sigon makaron it mga health authorities idtu hay ro mga owa pa nakapabakuna.
Sa pihak nga parte, gindugang pa ni Aguilar nga masobra sa 25% it mga Americans hay owa nagapabor nga mabakunahan.
Apang ro mayad sigon nga posibleng igatuga kara engkaso nga majority it mga owa nabakunahan ro ma-infect it omicron variant, kaabuan kanda hay maka-eowas ag makaangkon it immunity.
Rason nga ginapatihan it mga eksperto nga raya ro pinakamadali nga pamaagi agud nga maabot ro ginatawag nga herd immunity.
Samtang, nakataeana sigon nga igapadaea it gobyerno sa kada baeay ro libreng self ukon home-test kits kun sa siin sa sueod it 10 hasta 15 minutes hay masayuran ro resulta kon positive ukon bukon sa deadly virus.
