KALIBO, Aklan—Bukon it apektado ro mga drivers ag operators nga miyembro it Banga-Kalibo Jeepney Drivers Transport Cooperative sa uman nga pagpatag-od it operasyon it sektor it transportasyon nga alas-5 it agahon hasta alas-8 it gabi-i.
Raya hay base sa bag-ong ginpaguwa nga Executive Order ni Aklan Governor Florencio Miraflores bilang pagdahan sa nagatinaas eon man nga kaso it COVID-19.
Suno kay Leandro Lenciano, Chairman it nasambit nga transport cooperative nga kaeabanan nga hasta eamang it alas-6:30 it gabi-i ro andang biyahe bangud sa sangkiri nga pasahero.
Sigurado suno kana nga maapektuhan eon man ro andang pasahero engkaso nga imandu nga ibalik sa 50% ro seating capacity ag uman nga pataasan ro pamasahe.
Gin-kwestiyon man nana ro uman nga pagpatuman it restrictions sa pihak nga kaabuan kanda sa transport sector hay bakunado eon.
Sa pihak kara, padayun sigon sanda nga magasunod sa anuman nga igapaguwa nga guidelines para sa kamaeayran ag kaeowasan it tanan.
