KALIBO, Aklan—Ginpamilit it sangka batikang abogado sa Aklan nga klaru nga pag-eabag sa laye ro anuman nga tikang agud nga ipaiway ro nagahilapit nga eleksyon bangud sa nagatinaas nga kaso it covid 19 ag paeag it omicron variant.
Suno kay Atty. Plaridel Morania nga ro pagpaiway sa eleksyon hay pag-eabag sa gintaeana it Konstitusyon nga magapatigayon it national election kada tatlong dag-on kada ikaywang Lunes it buean it Mayo.
Kkinahangean sigon nga mag-ilihir it masunod nga Presidente ag Bise Presidente sa Mayo 9 it makaron nga dag-on bangud nga fixed ro andang termino ag indi pwedeng paeawigon.
Mag-eowas kara, pagabotohan man it publiko ro mga senador , kongresista ag iba pang mga lokal nga opisyal.
Nagapati man si Atty. Morania nga may nagakaigo nga preparasyon ro Comelec para sa epektibong pagpatuman it eleksyon sa atubang it pandemya.
