KALIBO, Aklan—Padayun ro paglobo it mga bag-ong kaso it Coronavirus Disease 2019 ukon COVID-19 sa Australia.
Suno kay Bombo International Correspondent Denmark Suede, naga-average ro bilog nga nasyon it 104,000 nga kaso kada adlaw.
Sa nasambit nga numero, kapin sa 40,000 ro nailista nga bag-ong COVID-19 cases halin sa estado it New South Whales.
Sa pihak kara, nagapabilin nga bukas ag owa nagapatuman it anumang border restriction ro nasyon.
Kumpiyansa sigon ro gobyerno nga masuk-ean nanda ro pandemya eabi pa ag haeos 92 porsyento eon it andang populasyon ro fully vaccinated.
Samtang, kapin sa 4.86 million eon man nga ro naiturok nga booster shot.
Gin-umpisahan sigon ro pagbakuna sa pediatric population partikular sa edad lima hasta 11 anyos ko Enero 10.
Ginpabugae pa kara nga nagapabilin nga manaba ro andang death toll kung igakumpara sa ibang nasyon bangud mabahoe nga porsyento sa andang populasyon ro bakunado.
