KALIBO, Aklan—Uman nga nakalista it kapin sa 154 ka mga panibag-ong kaso it Coronavirus Disease 2019 ukon covid-19 sa probinsya it Aklan.
Sa nasambitan nga numero kapin sa 52 ro maghalin sa banwa it kalibo; 29 sa banwa it malay; banga 20; numancia 16; tangalan 8; libacao 7; madalag ag batan nga may 5; makato ag malinao 3; new washington ag balete 2, ag tig sambilog sa banwa it altavas, buruanga ag nabas.
Sa tanan nga mga nagpaidaeum sa covid test, nakalista man it 109 ka mga nag-negatibo sa nasambitan nga virus.
Bangud kara, ginpahayag ni Dr. Cornelio ‘Bong’ Cuatchon Jr it Provincial Health Office ukon PHO-Aklan nga nakalista it 58.55 percent nga positivity rate ro probinsya.
Samtang may dugang man nga 40 nga naka recover ukon nagmayad eun sa nasambitan nga masakit.
