KALIBO, Aklan—Owa pa nagapatuman it “no vaccine, no ride policy” ro Federation of Numancia Tricycle Operators and Drivers Association (FENUTODA) sa andang mga tricycle nga nagabiyahe it Numancia-Kalibo vice versa.
Suno kay FENUTODA President Medel Valenzuela nga owa pa sanda it ginabuytan nga memorandum ukon anumang deriktiba nga nagamando nga i-reuqire ro mga pasahero nga magpakita it vaccination card ukon vaccine certificate antes magsakay sa mga tricycle.
Pagahueaton anay sigon nanda nga magpagguwa it mandato ro lokal nga gobyerno antes sanda magpatuman it “no vaccine, no ride policy”.
Nagapati si Valenzuela nga mabahoe ro magiging epekto kara kanda nga mga driver engkaso nga ipatuman eon raya sa bilog nga probinsya it Aklan.
Apang, owa sigon sanda it mahimo kundi magsunod eon lang sa kung anuman ro igapagguwa nga mga bag-ong sueondanan.
