KALIBO, Aklan—Pasado eon sa ikaywang pagbasa it Sangguniang Panlalawigan it Aklan ro ginaproponer nga ordinansa angot sa pagtao it collegiate scholarship para sa mga indigenous people sa bilog nga probinsya.
Raya hay maidid nga gintalakay it Committee on Senior citizen, Person with Disabilities and Indigenous People’s; Committee on Education; Committee on Law, Rules and Ordinances ag Committee on Appropriations, Budget and Finance ag Ways and Means.
Ro natungdan nga Collegiate Scholarship Program it gobyerno probinsyal hay para eamang sa deserving nga mga estudyante maghalin sa marginazlied sector ag naga-eskwela sa kolehiyo.
Sa pihak nga parte, nagpasa it sangka resolution si Sangguniang Panlalawigan member Emmanuel Soviet Russia Dela Cruz bilang suporta sa aplikasyon it Aklan Agri-Aqua para sa TESDA accreditation.
Tuyo kara nga makaangkon it TESDA training sa idaeom it Agri-Aqua farm nga gintukod sa bahin it Brgy. Nalook, Kalibo.
Ginpahayag pa ni Dela Cruz nga madali eon lang matapos ro konstruksyon it dormitory ag multipurpose hall nga magaserbi man bilang classroom.
Sa makaron, ginatinguhaan sigon nanda nga matapos ro pagbuoe it accreditation halin sa nagkaeain-eain nga Agricultural offices.
