KALIBO, Aklan—Indi dapat nga suspendihon ro Barangay ag Sangguniang Kabataan ukon SK election sa paeaabuton nga Disyembre 5, 2022.
Raya ro panindugan it sangka batikan nga abogado sa probinsya it Aklan nga si Atty. Plaridel Morania.
Suno kay Atty. Morania nga nagadapat eamang nga sundon kung ano ro nakabaehag sa layi.
Apang kung gusto sigon it mga mamalidha nga makaangkon it amendment sa mga layi hay dapat nga magplastar anay it mapag-on nga rason.
Dugang pa kara nga mas manani nga magpatigayon euman it eleksiyon agud nga mabuslan eun ro mga nagapungko sa puwesto nga abusado sa anang gahom ag mataw-an man it tiyansa ro mga may ikasarang pa para sa pag-umwad it sangka lugar.
Nasayuran nga sandig sa ginaproponer nga House bill 10678 ni Senator Win Gatchalian hay ginaduso kara nga masuspendi anay ro barangay ag sk election nga nakataeana sa Disyembre 5, 2022 ag ipaisoe eun lang sa Mayo 6, 2024.
