KALIBO, Aklan—Ginapahauman eon it Britanya ag Japan ro summit sa tunga nanday Prime Minister Boris Johnson ag Fumio Kishida sa katung-anan it Pebrero.
Suno kay Bombo International Correspondent Josel Palma, ginaeauman nga pila sa paga-diskusyonan it daywang lider hay ro nagakatabo nga krisis sa Ukraine ag kun paano ma-counter ro nagadugang nga pwersa it China.
Sa makaron, owa pa nakasabat ro British embassy sa Japan ag ro Japan foreign ministry angot sa request nga magpatigayun it natungdan nga summit.
Engkaso nga madayun, raya ro magiging unang pag-istorya it daywang lider sa Japan ag ikaywa nandang pagkita matapos ro COP26 nga ginhiwat sa Brintanya ko Nobyembre 2021.
Ginapahayag nga magahimo pa it desisyon ro daywang ka mga nasyon kung pagapadayunon ro summit bangud sa political situation sa Britanya ag sa grabeng pagpanaeasa it pandemya sa Japan.
