KALIBO, Aklan—Normal nga adlaw eamang para sa mga pomoeuyo it Vanuatu ro Valentine’s Day.
Suno kay Bombo International Correspondent Jaime Kallos Alabanza it Port Vila, ro capital city it Vanuatu ag nagatrabaho sa nagaisaeahanon nga sinehan sa nasambitan nga nasyon nga owa haeos ginaselebrar it mga residente idto ro Valentine’s Day.
Bukon man sigon raya it holiday ag owa it ukasyon bukon it kapareho sa Pilipinas nga ginapahauman gid it kaabuan.
Samtang, kaabuan sigon sa mga residente idto hay Christians ag ro iba hay may mga tribu ag kaugalingon nga kultura.
Nasayuran nga ro Vanuatu hay kapareho man it nasyong Pilipinas nga tropical country nga maeapit sa Australia ag New Zealand.
Raya hay sangka maisot nga nasyon nga may unang 85 ka mga Isla ag may unang masobra 300,000 nga populasyon.
