KALIBO, Aklan—Ginpaathag it Philippine Statistic Authority ukon PSA-Aklan kung ham-an nga maabo sa gihapon ro mga owa nakabatun it andang national I.d apisar nga pilang buean eun nga nakatapos sa pagparehistro.
Suno kay Ms. Rodelyn Panadero it PSA-Aklan nga maskin sandang mga empleyado it PSA hay owa pa nakabatun it andang national I.d apisar nga sanda ro pinakaunang nagparehistro kara.
Base sa datos, may unang target ro PSA-Aklan nga kapin sa 448,292 ka mga pomoeuyong magaparehistro.
Naeampasan man sigon nanda ro target matapos nga makalista it kapin sa 453,107 nga numero it mga madinaeag-on nga nakaparehistro.
Sa nasambitan nga datos hay may una eamang nga 9,212 ro nakabatun it andang national I.D.
Bangud kara, ginapaabot it taeatapan sa mga pomoeuyo nga owa pa sa gihapon nakarehistro nga magparehistro eun samtang sa mga naka-apply eun para sa andang national I.D hay haeaton eun lang raya nga mag-abot.
