KALIBO, Aklan—Matapos nga ipanawagan sa Bombo Radyo pinaagi sa programang Bombohanay Bigtime, natigayon nga makita ag naibalik sa poder it anang mga ginikanan ro naduea nga dalagita nga sangka “special child”.
Nauna kara, nagapanangison nga nagdangop Bombo Radyo ro mag-asawa nga Frydel ag Merluna Alcazarin agud nga ipanawagan ro pagkaduea it andang 16 anyos nga ungang dalagita.
Suno kay Merluna it barangay Navitas, Numancia nga eubos ro andang pagkabaeaka sa anang ungang babayi nga si Shine bangud ko adlaw pa raya it Miyerkules mga bandang alas-6 it gabie nga naduea.
Nakita ro dalagita sa barangay tigayon, kalibo matapos nga may nag-inform kanda nga concern citizen sa ginakahimtangan kara.
Kaibahan kara ro anang tiya nga si Mary Jane Bandejas nga nasayuran nga anang ginadaea-daea ag gina-obra nga kabulig sa anang pagpangalakal it basura.
Nasayuran nga parehong may deperensiya sa pag-iisip ro anang magueang ag ro unga karang si Shine.
Aminado man si Merluna nga ginabunae nanda kon amat ro andang unga bilang pag-disiplina.
Raya hay matapos nga nagapamalibad raya nga magsunod kanda ag mas gustong magpabilin sa euyo it anang tiya.
Samtang, nagapati imaw nga nadaea eamang ro anang unga sa mga matam-is nga tinaga it anang magueang.
