KALIBO, Aklan–Ginpabugae it Municipal Economic Enterprise Development Office (MEEDO)-Kalibo nga mas mabahoe ro andang kita ko nagtaliwan nga dag-on kumpara ko 2020 sa kasagsagan it COVID-19 pandemic.
Suno kay MEEDO-Kalibo Head Mary Gay Quimpo-Joel, mabahoe ro posibilidad nga nakaapekto kara ro ginapatuman nga mga restrictions kung siin nakaangkon it sangkiri nga paghaeuga ko ulihing quarter it 2021.
Nagaeaum si Joel nga magpadayun ro manami nga kita it taeatapan para sa amat-amat nga pagbangon halin sa epekto it pandemya.
Sa pihak nga parte, ginklaro man kara nga owa nanda ginasukot it monthly rentals ro mga negosyante partikular ro may pwesto sa 2nd floor it Kalibo Public Market nga sambilog sa pinaka-naapketuhan it sunog ko Setyembre 2019.
Ginlaygayan man kara ro mga stall owners nga i-check ro andang mga kontrata.
Samtang, padayun man sigon ro andang pagbaton it mga nagapatigayun it renewal.
