KALIBO, Aklan—Ginpaathag it Department of Agriculture (DA)-6 nga natapos eon ro andang distribusyon it financial assistance para sa mga lokal nga mangunguma sa probinsya it Aklan.
Suno kay Engr. Remelyn Recoter, Regional Director it DA-6 nga kapin sa 31,859 nga mga mangunguma ro nakabaton it bulig pinansyal sa idaeom it ginlunsar nga programa it ahensya.
Naga-abot sigon sa P159 million ro gin-alokar nga pondo it taeatapan para sa probinsya it Aklan.
Ro kada recipient hay nagbaton it kapin sa P5,000.
Sa pihak nga parte, ginkalipay man ni Engr. Recoter ro nailistang 3 percent positive growth rate sa produksyon it paeay sa bilog nga Western Visayas ko nagtaliwan nga dag-on.
Raya hay sa pihak it pagtama it bagyong Odette ko Disyembre 2021 kung siin eubos nga naapektuhan ro sektor it agrikultura sa mabahoe nga parte it Visayas ag Mindanao.
