KALIBO, Aklan—Posibleng ‘fake news’ eamang ro mga nagaguwa nga balita angot sa pagpull out it Russia sa andang mga suldado nga gintaeana sa andang border it Ukraine.
Suno kay Bombo International Correspondent Greg Aguilar it California, U.S.A nga mabaskog ro intellegence agency it U.S rason nga indi puweding magpinusong ro Russia.
Base sa datos it US, ginabana-bana nga naga-abot pa sa kapin sa 180,000 nga mga suldado it Russia ro nakapalibot sa border it Ukraine.
Samtang, ro ginapatigayon sigon nga military exercise it mga suldado it Russia hay ginagamit eamang nga rason agud nga magpreparar sa pag-atake.
Dugang pa ni Aguilar nga mas makahaeadlok ro puweding matabo sa Eastern Europe sa mga masunod nga dominggo.
Engkaso sigon nga may matabong giyera ukon atake hay mabahoe ro magiging epekto kara sa global economy ag kaibahan ro nasyong Pilipinas sa mga eubos nga maapektuhan.
