KALIBO, Aklan—Maabo nga nakibot ag kagakanugon sa gulping pagkamatay it maeastro nga si Dr. Rafi Paller ag nagaturo sa idaeum it Department of Education ukon DepEd-Aklan.
Si Dr. Paller hay namatay bangud acute bronchitis, pneumonia ag critical covid-19.
Gin-confined sa Saint Gabriel Medical Center kun sa siin nag-aywan it mabahoe nga baeayran sa ospital.
Bangud kara, nagapangayo makarun it bulig ro anang pamilya sa may mabinueawanon nga tagipusuon nga makapaabot it bulig agud nga mabawasan ro andang problema sa pinansiyal.
Sa interbyu it Bombo Radyo, ginpahayag it sambilog sa mga batchmates ni Dr. Paller nga si PSSgt. Jane Vega it Aklan Police Provincial Office ukon APPO nga nakilaea nana raya bilang isaeang ka maboot nga klase it persona ag breadwinner it anang pamilya.
Mag-euwas sa pagiging mayad nga manugturo hay kilaea man sigon raya bilang motivator sa anang mga kakilaea.
