Pagbawae sa pagbakae it bueong sa mga baraka, gin-insister ni Pangueong Duterte

KALIBO, Aklan—Posibleng mag-grabe pa ro sakit it sangka tawo kung magabakae it bueong halin sa mga sari-sari store.

Raya ro uman nga ginpaandam ni Pangueong Rodrigo Duterte sa publiko matapos ro anang Talk to the People ko Lunes it gabi-i.

Suno kay pangueong Duterte, indi dapat magkumpiyansa ro mga consumer sa mga ginabaligya nga bueong sa mga baraka bangud indi masigurado ro kaeuwasan it nasambit nga produkto.

Dapat sigon nga padumduman it mga local government official, eabi eon ro mga barangay chairman ro andang constituents nga likawan ro pagbakae it mga bueong sa baraka.