-- ADVERTISEMENT --
KALIBO, Aklan—Dapat anay nga maabot ro target nga 80% vaccine coverage para sa mga senior citizens ag persons with comorbidities antes mag-escalate sa alert level 1 halin sa presenteng alert level 2 status ro nasyon.
Raya ro gintaw-an it punto ni Health Secretary Francisco Duque III sa Talk to the People ni Pangueong Rodrigo Duterte, kabi-i.
Raya hay sa tunga it plano nga pagpanaba it COVID-19 alert level status eabi eon sa Metro Manila.
Suno kay Duque, padayun ro pagnaba it COVID-19 cases sa nasyon partikular sa National Capital Region rason nga bukon it maeayo nga ipaidaeom sa alert level 1 ro mga lugar nga manaba ro infection rate.
