KALIBO, Aklan—Maabu nga mga pag-eabag ro nailista bangud sa mas striktong campaign guidelines it Commission on Elections (Comelec) para sa nagahilapit nga eleksyon.
Suno kay Interior Undersecretary Jonathan Malaya, may una eon nga mga proposals ag appeals ro nagkaeain-eain nga partido ag mga politiko sa Comelec para makaangkon it sangkiri nga paghaeuga ro andang regulasyon.
Ko Pebrero 8 kat mag-umpisa ro campaign period para sa mga national candidates.
Nauna eon nga ginpahayag it Philippine National Police (PNP) nga may mga kahigayunan sa kasagsagan it campaign kick-off nga owa eon nasunod ro health protocols kapareho it physical distancing.
Sa makaron, ginbawae it Comelec sa campaign period ro pakikipag-alima, paghakus, pagharu ag pag-selfie para malikawan ro pagkalhit it COVID-19.
